SARKAAR KE QADMO MEIN

Allah Ne Pohnchaya Sarkar Ke Qadmon Mein

Sud Shukar Keh Mein Phir Aaya Sarkar Ke Qadmon Mein

Rud Kaisay Bhala Hogi Ab Koi Dua Meri
Mein Rub Ko Pukar Aaya Sarkar Ke Qadmon Mein


Kuch Kehne Se Pehle Hee Puri Hoi Har Khuwahish
Jo Socha Wohi Paaya Sarkar Ke Qadmon Mein

Kuch Lamhay Huzoori Ke Paaye Tou Ye Lagta Hai
Ik Umar Guzaar Aaya Sarkar Ke Qadmon Mein


Mujh Jaisa Tahee Damaan Kiya Nazar Ko Lejaata
Ik Naat Suna Aaya Sarkar Ke Qadmon Mein

Yaad Aayi Sabih Apni Har Aik Khata Mujh Ko
Aamaal Pe Sharmaaya Sarkaar Ke Qadmon Mein

Ya Nabi صلی اللہ علیہ وسلم Dekha Ye Rutba

Ya Nabi Dekha Ye Rutba Aapki Naalein Ka

Arsh Ne Chooma Hai Talwa Aapki Naalein Ka

Aapki Khidmat Ka Mujhko Kaash Mil Jaata Sharaf
Baandhta Haathon Se Tasma Aapki Naalein Ka


Aapke Qadmon Ki Narmi Qalb Par Mehsoos Ki
Jab Bhi Mein Ne Naqsh Dekha Aapki Naalein Ka

Hashr Mein Jab Log Choomay Aapka Dust-e-Karam
Sab Say Chup Kar Loon Mein Boosa Aapki Naalein Ka

Roz-e-Mehshar Sar Pe Soraj Jab Sawaa Neezay Pe Ho
Aik Nezay Per Ho Saaya Aapki Naalein Ka

Jiss Se Aagay Jaayein Tou Jal Jaye Par Jibril Ke
Uss Se Aagay Jaana Dekha Aapki Naalein Ka


Taaj Kyun Na Bheek Maangay Aapki Naalein Ki
Taajwar Khaatay Hain Sadqa Aapki Naalein Ka

Mujhe Taibah Bulalo

Shah-e-Wala Mujhe Taiba Bulalo
Taiba Bulalo Mujhe Taiba Bulalo
Deyorri Ka Apni Kutta Banalo
Qadmon Se Apne Mujhko Lagalo
Sadqay Mein Sadqay Mein Sadqay Bulalo
Furqat Ke Maaron Ko Piyare Jila Lou
Pyare Jila Lou Mujhe Aaqa Jila Lou
Maula Jila Lou Mujhe Aaqa Jila Lou
Duniya Ke Jhagron Se Yaksar Chura Kar
Ghayron Ki Ulfat Ko Dil Se Mita Kar
Shah-e-Wala Mujhe Apna Banalo
Apna Banalou Mujhe Apna Banalo
Naykon Ke Sadqay Mein Hum Se Baddon Ko
Zaaron Na Zaaron Musibat Zaddon Ko
Maula Nibhalo Mere Maula Nibhalo
Haan Haan Nibhalou Mere Aaqa Nibhalou

BAKHT-E-KHUFTA NE


Bakht-E-Khufta Ne Mujhe Rauzay Pe Jaanay Na Diya
Chashm-O-Dil Seenay Kaleyje Se Laganay Na Dia
Aah! Qismat Mujhe Duniya Ke Ghamon Ne Roka
Haaye! Taqdeer Keh Taiba Mujhe Jaanay Na Dia

Itna Kamzor Kiya Zoa’afa E Quwa Ne Mujh Ko
Paanv To Paanv Mujhe Sarr Bhi Uthane Na Diya

Kabhi Beemar E Muhabbat Bhi Hue Hai Achhe
Roz Afzu(n) Hai Marz Kaam Dawa Ne Na Diya

Sharbat-E-Deedar Ne Aur Aag Lagadei Dil Mein
Tapish-E-Dil Ko Barhaya Hai Bujhanay Na Dia
Ab Kahan Jayega Naqsh Tera Mere Dil Se
Teh Mein Rakha Hai Issay Dil Ne Gumanay Na Dia
Mere A’mal Ka Badla Tou Jahannum Hee Tha
Mein Tou Jaata Mujhe Sarkar Ne Jaanay Na Dia
Nafs-E-Badkaar Ne Ne Dil Pe Ye Qiyamat Torri
Amal Naik Kia Bhi Tou Chupanay Na Dia
Aur Chamakti Sei Ghazal Koi Parho Aey Noori
Rung Apna Abhi Jamnay Sho’ra Ne Na Dia

Habeeb E Khuda Ka Nazara Karu Main


Habeeb-E-Khuda Ka Nazara Karoon Mein
Dil-O-Jaan Unn Per Nisara Karoon Mein


Teri Kafsh-E-Paa Yoon Sanwara Karoon Mein
Ke Palkon Se Uss Ko Bohara Karoon Mein


Khudara Ab Aao Ke Dum Hai Labbon Per
Dum-E-Waapsi Tou Nazara Karoon Mein


Teray Naam Per Sar Ko Qurbaan Karke
Tere Sar Se Sadqay Utara Karoon Mein


Ye Ek Jaan Kia Hai Agar Ho Karoron
Tere Naam Per Sab Ko Waara Karoon Mein


Mera Deen-O-Imaan Farishtay Jou Poochein
Tumhari Hee Jaanib Ishara Karoon Mein


Khuda Khayr Se Laaye Woh Din Bhi Noori
Madinay Ki Galiyyan Bohara Karoon Mein

Ya Muhammad Noor E Mujassam

Ya Muhammad Noor-e-Mujassam ya Habibi Ya Maulai
Tasweer-e-Kamal-e-Mohabbat Tanveer-e-Jamal-e-Khudayei
Tera Wasf Bayaan Ho Kis Se Teri Kon Karega Barayei
Iss Gard-e-Safar Mein Gum Hai Jibreel-e-Ameen Ki Rasayei
Ye Rung-e-Bahar-e-Gulshan Ye Gul Aur Gul Ka Joban
Tere Noor-e-Qadam Ka Dhowan Uss Dhowan Ki Ra’nayei
Ma Ajmalaka Teri Surat Ma Ah’sanak Teri Seerat
Ma Akmalaka Teri A’zmat Teri Zaat Mein Gum Hai Khudayei
Ae Mazhar-e-Shaan-e-Jamali Ae Khuwaja-o-Banda Aa’li
Mujhe Hashr Mein Kaam Aajaye Mera Zoq-e-Sukhan Aarayei
Tu Raees-e-Roz-e-Shafa’t Tu Ameer-e-Lutf-o-I’nayat
Hai Adeeb Ko Tujhse Nisbat Ye Ghulam Hai Tu Aaqayei

Ya Sayyidi Irhamlana

Ya Sayyidi Irhamlana Ya Syedi Irhamlana 

Ya Syayidi Irhamlana Ya Syedi Irhamlana


O Master, be merciful towards us, O Master, be merciful towards us
O Master, be merciful towards us, O Master, be merciful towards us



Innil Tiya ree Hassaba Youmun Ilaa Ardil Haram 
Balligh Salaami Roudatun Feehannabiyul Mohtaram



O Winds! If someday you pass by the sacred land,
Do give my greetings (salaam) at the Blessed Grave where the most exalted Prophet rests



Maw Wajhohu Shams-ud-Duha Mun Khaddohu Badr-ud-Duja 
Maw Zaatohu Noor-ul-Huda Mun Kaffohu Bahr-ul-Hemam



He whose blessed face is the midday sun, his blessed cheeks are the full moon,
He whose self is the light of guidance and whose generosity is an ocean


Qur’anohu Burhanona Faskhalle-Adyaanim Madat 
Iz Jaa ‘Anaa Ahkaamohu Kullusohofay Saar Al ‘Adam


The Qur’an is our source proving other religions are abrogated,
When its guidelines came to us, the other books became non-existent


Akbadona Majruhatumin Saifey Hijril Mustafa 

Tooba Le-Ahle Baldatin Fee-hun-Nabiyul Mohtasham




The sadness of separation [from Madinah] feels like a sword deep into my liver,
How fortunate are the people of that city in which the Exalted & Beloved Prophet resides


Ya Rehmatallil A’alameen Anta Shafiul Muznebeen
Akrim Lana Youmal Hazeen Fadlaw Wa Judaw Wal Karam


O Mercy for the worlds! You are the intercessor for the sinners,
Shower your blessings upon us on the Day of Grief


Ya Rehmatallil A’alameen Adrik Li Zainil A’abeedeen
Mahboosi Aydiz Zalimeen Fil Mawkabee Wal Muzdaham


O Mercy for the worlds! Assist Zaynul Abideen,
Who stands alone and in difficulty amongst the tyrants.

Qaseedah E Noor

Subha Taibah Me Hui Bat’ta Hain Baada Noor Ka
Sadqa Lene Noor Ka Aaya Hain Taara Noor Ka

Baaghe Taibah Me Suhana Phool Phoola Noor Ka
Mast Bu Hain Bul Buley Padhti Hain Kalmah Noor Ka

Baarhvi Ke Chaand Ka Mujra Hai Sajdah Noor Ka
Baarah Burjo Se Jhuka Ik Ik Sitara Noor Ka

Unke Kasre Kadr Se Khuld Ek Kamra Noor Ka

Sidra Paayi Baagh Me Nanha Sa Pauda Noor Ka

Arsh Bhi Firdaus Bhi Us Shahe Waala Noor Ka
Yeh Musagman Burj Wo Muskuye A’ala Noor Ka

Aayi Bida’at Chayi Zulmat Rang Badla Noor Ka
Maahe Sunnat Mehre Tala’at Le Le Badla Noor Ka

Tere Hi Maathe Raha Ay Jaan Sehra Noor ka
Bakht Jaaga Noor Ka Chamka Sitara Noor Ka

Main Gada Tu Baadshah Bharde Piyala Noor Ka
Noor Din Duna Tera De Daal Sadqa Noor Ka

Teri Hi Jaanib Hai Paanchi Waqt Sajdah Noor Ka
Rukh Hain Qibla Noor Ka Abru Hai Qa’aba Noor Ka

Pusht Par Dhalka Sar-E-Anwar Se Shimla Noor Ka,
Dekhein Moosa Tur Se Utra Sahifah Noor Ka
Pech Karta Hai Fida Hone Ko Lamha Noor ka,
Gird-E Sar Phirne Ko Banta Hai Imamah Noor Ka
Kya Bana Naam-E Khuda Asra Ka Dulha Noor Ka,
Sar Pe Sehra Noor Ka Bur Main Shahana Noor Ka
Wasf-E Rukh Main Gati Hain Hoorein Tarana Noor Ka,
Qudrati Binau Mai Bajta Hai Lehra Noor Ka


Taaj Waale Dekh Kar Tera Imama Noor Ka
Sar Jhukate Hai Ilahi Bol Baala Noor Ka

Sham’a Dil Mishkaat Tan Seena Zujaja Noor Ka
Teri Surat Ke Liye Aaya Hain Sura Noor Ka

Tere Aage Khaaq Par Jhukta Hai Maatha Noor Ka
Noor Ne Paaya Tere Sajde Se Seema Noor Ka

Tu Hain Saaya Noor Ka Har Azwa Tukda Noor Ka
Saaye Ka Na Saaya Hota Hain Na Saaya Noor Ka

Kya Bana Naame Khuda Asra Ka Dulha Noor Ka
Sar Pe Sehra Noor Ka Bar Me Shahana Noor Ka

Naariyon Ka Daur Tha Dil Jal Raha Tha Noor Ka
(Ay Umar)Tumko Dekha Ho Gaya Thanda Kaleja Noor Ka

Jo Gada Dekho Liye Jaata Hai Toda Noor Ka
Noor Ki Sarkaar Hai Kya Isme Toda Noor Ka

Bheek Le Sarkaar Se La Jald Kaasa Noor Ka
Maahe Nau Taiba Me Bat’ta Hai Mahina Noor Ka

Teri Nasl-E-Paak Me Hain Bachha Bachha Noor Ka
Tu Hain Aine Noor Tera Sab Gharana Noor Ka

Noor Ki Sarkaar Se Paaya Do-shala Noor Ka
Ho Mubarak Tumko Zunnurain Joda Noor Ka

Tab Mehr Hashr Se Chaunke Na Kushtah Noor Ka,
Bhundiya Rehmat Ki Dene Ayei Chinta Noor Ka
Tab-E Sum Se Chaundhiya Kar Chand Unhee Qadmo Phira,
Hans Ke Bijli Ne Kaha Dekha Chalawa Noor Ka


Aankh Mil Sakti Nahi Dar Par Hai Pehra Noor Ka

Taab Hain Be-Hukm Par Maare Parinda Noor Ka

Chaand Jhuk Jaata Jidhar Ungli Utha De Mahd Me
Kya Hi Chalta Tha Isharo Par Khilona Noor Ka

Ek Seene Tak Mushabeh, Ik Wahan Se Pa’oon Tak,
Husn-E Sibtayn Unke Jamaun Main Hai Nima Noor Ka



Kaaf Gesu Haa Dahan Ya Abru Aankhein Ain Swaad
Kaaf Haa Ya Ain Swaad Unka Hain Chehra Noor Ka

Ay Raza Ye Ahmed E Noori Ka Faize Noor Hain
Ho Gayi Meri Ghazal Badh Kar Qaseedah Noor Ka

Sabse Aula Wo Aala Hamara Nabi صلی اللہ علیہ وسلم

Sabse Aula Wo A’ala Hamara Nabi صلی اللہ علیہ وسلم
Sabse Baala Wo Waala Hamara Nabi صلی اللہ علیہ وسلم


Apne Maula Ka Pyara Hamara Nabi صلی اللہ علیہ وسلم
Dono A’alam Ka Dulha Hamara Nabi صلی اللہ علیہ وسلم


Bazme Aakhir Ka Shamae Faraouza Hua
Noor-E-Awwal Ka Jalwah Hamara Nabi صلی اللہ علیہ وسلم


Bujh Gayi Jiske Aage Sabhi Mashaley
Shama’a Woh Le Kar Aaya  Hamara Nabi صلی اللہ علیہ وسلم


Jiske Talwon Ka Dhovan Hai Aabe Hayaat
Hain Wo Jaane Maseeha Hamara Nabi صلی اللہ علیہ وسلم


Khalq Se Auliyah, Auliyah Se Rasool,
Aur Rasoolon Se A’ala  Hamara Nabi صلی اللہ علیہ وسلم


Husn Khaata Hain Jinke Namak Ki Qasam
Woh Maleehe Dilaara Hamara Hamara Nabi صلی اللہ علیہ وسلم

Zikr Sab Pheeke Jab Tak Na Mazkur Ho
Namakeen Husn Waala Hamara Nabi صلی اللہ علیہ وسلم



Jiski Do Boond Hain Kausaer O Salsabeel
Hain Wo Rehmat Ka Dariya Hamara Nabi صلی اللہ علیہ وسلم


Jaise Sab Ka Khuda Aik Hai Waise Hi,
Inka Unka Tumhara  Hamara Nabi صلی اللہ علیہ وسلم


Karno Badli Rasoolo Ki Hoti Rahi
Chaand Badli Ka Nikla Hamara Nabi صلی اللہ علیہ وسلم

Kaun Deeta Hain Dene Ko Muh Chahiye
Deene Waala Hai Sachha  Hamara Nabi صلی اللہ علیہ وسلم


Saare Achhon Me Achha Samajhiye Jise,
Hain Us Achhe Se Achha  Hamara Nabi صلی اللہ علیہ وسلم

Kya Khabar Kitne Taare Khile Chup Gaye
Par Na Doobe Na Dooba Hamara Nabi صلی اللہ علیہ وسلم



Mulke Qaunain Mein Ambiya Taajdaar
Taajdaro Ka Aaqa Hamara Nabi صلی اللہ علیہ وسلم

La Makaa Tak Ujalaj Hai Jisko Wo Hain
Har Makaa Ka Ujala Hamara Nabi صلی اللہ علیہ وسلم

Saare Uncho Mein Uncha Samajhiye Jise
Hai Uss Unche Se uncha  Hamara Nabi صلی اللہ علیہ وسلم


Sab Chamak Waale Ujhlo Me Chamka Kiye
Andhe Sheesho Mein Chamka  Hamara Nabi صلی اللہ علیہ وسلم


Gamzado Ko Raza Mushda-Di-Je Ke Hain

Be-Kasoon Ka Sahara  Hamara Nabi صلی اللہ علیہ وسلم

Wahi Rab Hain Jisne Tujhko




Wahi Rab Hain Jisne Tujhko Hama’atan Karaam Banaya,
Hume Bheekh Maangne Ko, Tera Aastaa(n) Bataya
Tujhe Hamd Hai Khudaya 


Tumhi Haakim-E-Baraaya, Tunmhi Qasim-E-Ataaya
Tumhi Dafae’e Balaya Tumhi Shafae’e Khataya
Koyi Tumsa Kaun Aaya 


Woh Kanwari Paak Maryam, Woh Nafakhto Feehe Kaadam
Hain Ajab Nishaan-E-Aazam, Magar Aamena Ka Jaaya
Wohi Sabse Afzal Aaya 


Yahi Bole Sidra Waale, Chaman-E-Jahan Ke Thaale
Sabhi Maine Chaan Daale Tere Paaye Ka Naa Paaya
Tujhe Yakne Yak banaya 


Arey Ae Khuda Ke Bandon, Koi Mere Dil Ko Dhundho,
Mere Paas Tha Abhi To, Abhi Kya Hua Khudaya
Na Koi Gaya Na Aaya


Humko Ay Raza Tere Dil Ka Pata Chala Ba Mushkil
Darr-E-Rouze Ke Muqabil Woh Hame Nazar To Aaya
Yeh Na Pooch Kaisa Paaya

Page 22 of 23
1 20 21 22 23