Tu Hay Woh Ghaus Key Har Ghaus Hay Shaida Teraa

Tu Hay Woh Ghaus Key Har Ghaus Hay Shaida Teraa,
Tu Hay Woh Ghais Key Har Ghais Hay Pyaasa Teraa.

Sooraj Aglon Key Chamaktey Thay Chamak Kar Doobe,
Ufaq-E-Noor Pey Hay Mehr Hamesha Teraa.

Murgh Sab Boltey Hain Bol Key Chup Rehte Hain,
Haan Aseel Ek Nawa Sanj Rahega Teraa.

Jo Wali Qabl Thay Ya Ba’d Huwe Ya Hongey,
Sab Adab Rakhte Hain Dil Mein Mere Aqaa Teraa.

Baqasam Kehtey Hain Shahaan-E-Sarifeen-O-Hareem,
Key Hua Hay Nah Wali Ho Koi Hamtaa Teraa.

Tujhsey Aur Dahar Key Aqtaab Sey Nisbat Kaisi,
Qutub Khud Kaun Hay Khaadim Tera Chelaa Teraa.

Saare Aqtaab Jahaan Karte Hain Kaa’be Ka Tawaaf,
Kaa’ba Karta Hay Tawaaf-E-Dar-E-Waala Teraa.

Aur Parwaane Hain Jo Hote Hain Kaa’be Pey Nisaar,
Shama’a Ek Tu Hay Key Parwaanah Hay Kaa’ba Teraa.

Shajr-E-Sar-O-Sahee Kis Key Ugaaye Tere,
Maarifat Phool Sahi Kis Ka Khilaaya Teraa.

Tu Hay Naushaah Baraati Hay Yeh Saara Gulzaar,
Laayi Hay Fasl-E-Saman Goondh Key Sehra Teraa.

Daaliyan Jhoomti Hain Raqs-E-Khushi Josh Pey Hay,
Bulbulein Jhoolti Hain Gaati Hain Sehra Teraa.

Geet Kaliyon Ki Chatak Ghazlein Hazaaron Ki Chehek,
Baagh Key Saazon Mein Bajta Hay Taraana Teraa.

Saf-E-Har Shajrah Mein Hoti Hay Salaami Teri,
Shaakhein Jhuk-Jhuk Key Baja Laati Hain Mujra Teraa.

Kis Gulistaan Ko Nahin Fasl –-E-Bahaari Sey Niyaaz,
Kaun Sey Silsile Mein Faiz Nah Aaya Teraa.

Nahin Kis Chaand Ki Manzil Mein Tera Jalwa-E-Noor,
Nahin Kis Aaine Key Ghar Mein Ujaala Teraa.

Raaj Kis Sheher Mein Kartey Nahin Tere Khuddaam,
Baaj Kis Neher Sey Letaa Nahin Darya Teraa.

Mazr’ae Chisht-O-Bukhara-O-Iraaq-O-Ajmer,
Kaun Si Kisht Pey Barsa Nahin Jhaala Teraa.

Aur Mehboob Hain, Haan Par Sabhi Yaksaan To Nahin,
Yoon To Mehboob Hay Har Chaahne Wala Teraa.

Is Ko Sau Fard Sarapaa Ba-Faraghat Oorhein,
Tang Ho Kar Jo Utarne Ko Ho Neema Teraa.

Gardanein Jhuk Gayin Sar Bich Gaye Dil Laut Gaye,
Kashf-E-Saaq Aaj Kahaan Yeh To Qadam Tha Teraa.

Taaj-E-Farq-E-Irfaa Kis Key Qadam Ko Kahiye,
Sar Jise Baaj Dein Woh Paaon Hay Kiska Teraa.

Sukr Key Josh Mein Jo Hain Woh Tujhe Kya Jaanein,
Khidr Key Hosh Sey Pooche Koi Rutba Teraa.

Aadmi Apne Hi Ehwaal Pey Karta Hay Qiyaas,
Nashe Waalon Ney Bhula Sukr Nikaala Teraa.

Woh To Choota Hi Kaha Chahein Key Hain Zer-E-Hadeed
Aur Har Auj Sey Ooncha Hay Sitarah Teraa.

Dil-E-Aa’da Ko Raza Tez Namak Ki Dhun Hay,
Ek Zara Aur Chirakta Rahey Khaamah Teraa.

Tooba Mein Jo Sab Sey Oonchi Naazuk Seedhi Nikli Shaakh

Tooba Mein Jo Sab Sey Oonchi Naazuk Seedhi Nikli Shaakh,
Maangun Naat E Nabi Likhne Ko Rooh E Quds Se Aysi Shaakh.

Mawla Gulbun Rahmat Zahra Sibtain Uski Kaliyan Phool,
Siddique O Farooq O Usman O Haidar Har Ek Uski Shaakh.

Shaakh E Qaamat Sheh Me Zulf O Chashm O Rukhsaar O Lab Main,
Sunbul Nargis Gul Pankhariyan Qudrat Ki Kya Phooli Shaakh.

Apne In Baaghon Ka Sadqa Woh Rahmat Ka Paani De,
Jis Sey Nakhl E Dil Mein Ho Paida Pyaare Teri Wilaa Ki Shaakh.

Yaad E Rukh Mein Aahein Kar Key Ban Mein Main Roya Aayi Bahaar,
Jhoomein Naseemein Nisaan Barsa Kaliyan Chatkein Mehki Shaakh.

Zaahir O Baatin Awwal O Aakhir Zeb E Faroo’ O Zain E Usool,
Bagh E Risaalat Mein Hay Tu Hi Gul Ghuncha Jar Patti Shaakh.

Aal E Ahmad Khuzbiyadi Yaa Sayyad E Hamza Kun Madadi,
Waqt E Khazaan E Umre E Raza Ho Barg E Huda Se Na Aari Shaakh

Tajalli E Noor e Kidam Ghous E Aazam

Tajalli E Noor e Kidam Ghous E Aazam
Ziya E Sirajuz Zulam Ghous E Aazam

Tera Hil Hai Tera Haram Ghous E Aazam
Arab Tera! Tera Ajam Ghous E Aazam

Wo Ik Vaar Ka Bhi Na Hoga Tumhare
Kaha Hai Mukhalif Me Damm Ghous E Aazam

Tere Hote Hum Par Sitam Dhaye Dushman
Sitam Hai Sitam Hai Sitam Ghous E Aazam

Badhe Housle Dushmano Ke Ghata De
Zara Le Le Teghe Do Dam Ghous E Aazam

Nahi Laata Khatir Me Shaho Ko Shaha
Tera Banda E Be-Diram Ghous E Aazam

Karam Chahiye Tera Tere Khuda Ka
Karam Ghouse Aazam Karam Ghous E Aazam

Karo Pani Ghumn ko Bahaa Do A’alam Ko
Ghataye Badhi Ho Karam Ghous E Aazam

Nazar Aaye Mujhko Na Surat Alam Ki
Na Dekhu Kabhi Ru-e Ghum Ghous E Aazam

Kuch Aisa Guma De Muhabbat Me Apni
Ke Khud Keh Uthu Me Manam Ghous E Aazam

Khuda Rakhe Tumko Hamare Saro Par
Hai Bas Ik Tumhara Hi Dam Ghous E Aazam

Dam-e-Naz’a Sirane Aajao Pyare
Tumhe Dekh Kar Nikle Dam Ghous E Aazam

Dam-e-Naz’a Aao Ke Dam Aaye Dam Me
Karo Humpe Yaseen Dum Ghous E Aazam

Ye Dil Ye Jigar Hai Ye Aankhe Ye Sar Hai
Jaha Chaho Rakhdo Qadam Ghous E Aazam

Tumhari Mahak Se Gali Kuche Mahke
Hai Baghdaad Rashke Iram Ghous E Aazam

Na Palla Ho Halka Hamara Na Hum Ho
Na Bigde Hamara Bharam Ghous E Aazam

Tumhare Karam Ka Hai Noori Bhi Pyasa
Mile Yum Se Isko Bhi Nam Ghous E Aazam

Manqabat e taaj ush shariyath

Peer-e-bar’haq murshid-e-zeeshan hain AKHTAR RAZA
AHL-E-SUNNAT ki akele jaan hain AKHTAR RAZA!


Mufti-e-azam k khwabo’n ki haseen tabir hai
Bul’hussain-o-ahmedi faizan hai AKHTAR RAZA


Hai zamane mei musalla unki ilmi shaksiyath
Najdiyo’n k waastay chattan hai AKHTAR RAZA


Haat ay ulfat mera hai AZHARI k haat mei
Meri baqshish ka haseen samaan hai AKHTAR RAZA!

Tanam Farsooda jaa para (With English Translation)

Tanam Farsooda jaa para (With English Translation)

Tanam Farsooda jaa para Ze Hijra, Ya Rasulallah 
Dillam Paz Murda Aawara Ze Isyaa, Ya Rasulallah !


O Allah’s Messenger! My body has weakened and my soul has shattered due to separation!
O Allah’s Messenger! Due to my sins, my heart is numb and straying towards destruction!



Tanam Farsooda jaa para (With English Translation)



Choon Soo’e Mun Guzar Aari Manne Miskeen Zanaa Daari
Fida-E-Naqsh-E-Nalainat Kunam Ja, Ya Rasulallah!


Were you to pass by me, the impoverished one, the hapless!
O Allah’s Messenger! I would sacrifice my life upon the print of your blessed sandals!


Tanam Farsooda jaa para (With English Translation)



Ze Jaame Hubb To Mustam Ba Zanjeere To Dil Bustam
Nu’mi Goyam Ke Mun Bustum Sukun Daa, Ya Rasulallah!


I am entranced by the drink of your love, my heart is chained to you!
But, O Allah’s Messenger! I do not claim that I hold mastery to truly praise you!


Tanam Farsooda jaa para (With English Translation)




Ze Kharda Khaish Hairaanam Siyaa Shud Roze Isyaanam
Pashemaanam, Pashemaanam, Pashemaanam, Ya Rasulallah !


My misdeeds have left me dazed, and due to my sins the days have darkened!
I am regretful, I am remorseful, O Allah’s Messenger! I am ashamed!



Tanam Farsooda jaa para (With English Translation)



Choon Baazoo’e Shafaa’at Raa Khushaa’I Bar Gunaagara
Makun Mahruume Jaami Raa Daraa Aan, Ya Rasulallah !


When you extend your hands and spread them upon the sinners, for intercession!
O Allah’s Messenger! Do not deprive “Jaami” of it, on the day of Resurrection!

Allah’s Infinite blessings and peace be upon the Holy Prophet Mohammed, his noble wives, his progeny, his companions and all those who rightly follow him until the Last Day.

English Translation by Janaab Aqib Al Qadri Sahab

Teri Wehshaton se Ae Dil Mujhe kiun Na Aar Aaye

Teri Wehshaton se Ae Dil Mujhe kiun Na Aar Aaye
Tu Unhi se Door Bhage Jinhein Tujh Pe Pyaar Aaye

Dam-e-Iztirab Mujhko Jo Khayal-e-Yaar Aaye
Mere Dil main Chain Aaye,To Isse Qarar Aaye


Na Habeeb se Muhib ka kahin aisa Pyaar Dekha
Woh Bane Khuda ka Pyaara, Tumhen Jiss Pe Pyaar Aaye

Mujhe Kiya Ho Gham Alam ka,Mujhe Kiya Ho Gham Alam ka
Ke Ila’aj Gham Alam ka,Mere Gham Gusa’ar Aaye


Jo Chaman Banaye Ban Ko, Jo Jina’a Kare Chaman Ko
Mere Baagh Main Ilahi, Kabhi Woh Baha’ar Aaye

Sabab-e-Gufoor-e-Rehmat Meri Bezubaniyan Hain
Na Fuga’an ke Dhang Jaano’n, Na Mujhe Pukaar Aaye


Teri Rehmaton se Kam Hain, Mere Jurm Iss se Za’aid
Na Mujhe Hisaab Aaye,Na Mujhe Shuma’ar Aaye

Tere Sadqe Jaaye Sha’aha Yeh Tera Zaleel Mangta
Woh Waqar le Ke Jaaye Jo Zaleel-o-Khwar Aaye


Woh Kareem Hain yeh Sarwar Ke Likha Howa Hai Dar Par
Ke Jisse Lene Hon Do Ala’am Woh Umeed Waar Aaye

Tere Dar ke Hain Bhikari, Mile Khair Dam ha Dam Ki
Tera Naam Sun ke Da’ata, Hum Umeed Waar Aaye

Tu ne batil ko mitaya hai imam ahmed raza

Tu ne batil ko mitaya hai imam ahmed raza
deen ka danka bajaya hai imam ahmed raza
dour-e-batil aur zalalat hind me tha jis ghadi
tu mujadded ban ke aaya ae imam ahmed raza
ahle sunnat ka chaman ujda huva veeran tha
pheer utha tu jab ke aaya ae imam ahmed raza
tu ne baatil ko mita kar deen ko baqshdi jila
sunnato ko phir jilaya ae imam ahmed raza
ae imam ahle sunnat naibe shahe umam
kijiye ham par bhi saya ae imam ahmed raza
hashr tak jari rahega faiz aqa aap ka
faiz ka dariya bahaya ae imam ahmed raza

Tu Shamme Risalat Hain

Tu Shamme Risalat Hain A’alam Tera Parwana

Tu Mahe Nubuvvat Hain Ay Jalwa E Janana

Jo Saaqi E Kausar Ke Chehre Se Nikaab Uththe
Har Dil Bane Maikhana Har Aankh Ho Paymana




Dil Apna Chamak Utthe Imaan Ki Tal’at Se
Kar Aankhein Bhi Noorani Ay Jalwa E Jaanana 



Kyu Zulfe Muambar Se Kooche Na Mahak Uthe 
He Panja Qudrat Jab Zulfo Ka Tere Shaana



Tum Aye Chati Baazi Ronak Huwi Phir Taazi 
Kaaba Hua Phir Kaaba Kar Daala Tha Butt Khana 


Peete Hain Tere Dar Ka, Khate Hain Tere Dar Ka
Pani Hain Tera Pani, Dana Hain Tera Dana

Sarshar Ise Kar De Ik Jaam E Labalab Se
Taa Hashr Rahe Saaqi Aabad Ye Maikhana

Is Darr Ki Huzoori Hi Isyan Ki Dawa Thahri
Hai Zehre Ma Aasi Ka Taibah Hi Shifa Khaana

Har Phool Me Boo Teri Har Sham-A Me Zao Teri
Bulbul Hai Tera Bulbul Parwaana Hai Parwaana

Duniya Mein Hume Tum Ne Jab Apna Banaaya Hai
Mehshar Me Bhi Keh Dena Yeh Hai Mera Deewana


Gir Pad Ke Yaha Pohcha, Mar Mar Ke Ise Paya
Chute Na Ilahi Ab, Sange Dare Jaana Na

Sange Dare Jaana Hain, Thokar Na Lage Kisko
Ay Kash Wo Sun Lete, Mujhse Mera Afsana

Sange Dare Jaana Par, Karta Hu Jabee Sayi
Sajda Na Samajh Najdi, Sar Deta Hu Nazrana



Woh Kehte Na Kehte Kuch Woh Karte Na Karte Kuch 
Ay Kash Wo Sunn Lete Mujh Se Mera Afsana

Sarkaar Ke Jalwon Se, Roushan Hain Dile Noori
Ta Hashr Rahe Roshan, Noori Ke Ye Kaash Aana

Tera Khawan Me Tere Geet Gawa Ya Rasulallah صلی اللہ علیہ وسلم

Tera khawan main Tere geet gawan, Ya Rasoolallah
Tera milaad mein kyon na manawaan, Ya Rasolallah.
Halima kar qadi vekhay, kadi Sarkaar (SAW) nu wakhay,
Main keri sayj Tere lai sajawan, Ya Rasoolallah.

Mera dil vi aie chahnda aey, Tusi merey we ghar aao,
Par mein kerey maan thi tainu bulaanwaan, Ya Rasoolallah.
Jagaao bhaag merey vi Abu Ayyub dey vangoon,
Muqaddar os da kithon liyawan, Ya Rasoolallah.
Mayn kujh vi nai jay Teray naal meri koi nisbat nahin,
Mayn sab kuch haan je mayn Tera sadaawan, Ya Rasoolallah
Suna hai Aap har ashiq kay ghar tashreef latay hain,
Meray ghar mein bhi ho jaye charaghan, Ya Rasulallah.
Madinay paak day under meri ayho eibadar hai,
Teray rozay toon na nazran hatawaan, Ya Rasulallah.

Teri صلی اللہ علیھ وسلم jaliyoon ke neechy

Teri  jaliyoon ke neechy , 
Teri  rematoon k saye, 
Jissy dekhni ho Jannat,Wo Madina dekh aaye, 
 
Taiba ko jany waly, Tujhy deti hoon duaein, 
Darr-e-Mustafa pe ja ke , 
Tu jahan ko bhool jaye, 
 
Roze k samny mein ye duaein mangta tha, 
Meri jaan nikal nikal tu jaye, 
Ya sama badal na jaye.
 
 Lo chali hoon mein Lahad mein ,
Mery Mustafa  se keh do, 
Ke hawa Teri  gali ki mujhy chorny ko aaye. 
 
Wohi  gham gusaar mera,
Wo  zahoori yaar mera. 
Meri Qabar pr jo aaye Naat-e-Nabi  sunaye
Page 1 of 2
1 2