Ajab Rang Par Hain Bahaar E Madina

Ajab Rang Par Hain Bahaar E Madina
Ke Sab Jannatein Hain Nisaar E Madina

Sarkaar Ka Madina Sarkaar Ka Madina
Sarkaar Ka Madina Sarkaar Ka Madina 

Khula Hain Sabhi Ke Liye Baab E Rehmat
Wahan Koi Rutbe Mein Adna Na Aali
Muraadon Se Daaman Nahi Koi Khaali
Qitare Lagaye Khade Hai Suwaali

Main Pehle Pehel Jab Madine Gaya Tha
To Thi Dil Ki Haalat Tadap Jaane Wali
Wo Darbaar Sach Much Mere Saamne Tha
Abhi Tak Tasavvur Tha Jiska Khayali

Main Ek Haath Se Dil Sambhale Hue Tha
To Thi Dusre Haath Me Thi Unki Jaali
Dua Ke Liye Haath Uthte To Kaise
Na Ye Haath Khaali Na Wo Haath Khaali

Madina Madina Humara Madina
Hume Jaan O Dil Se Hai Pyara Madina
Suhana Suhana Dilara Madina
Har Aashiq Ki Aankhon Ka Taara Madina

Pahado Pe Bhi Husn, Kaante Bhi Dilkush
Hain Qudrat Ne Kaise Sawaara(n) Madina
Khuda Gar Qayamat Mein Farmaye Maango
Lagayenge Deewane Naara Madina

Rage Ghul Ki Jab Naazuki Dekhta Hu
Mujhe Yaad Aate Hain Khaar E Madina
Mubarak Rahe Andalibo Tumhe Gull
Hume Gull Se Behtar Hain Kahaar E Madina

Rahe Unke Jalwe Base Unke Jalwe
Mera Dil Bane Yaadgaar E Madina
Murad E Dil Bul Bule Be Nawade
Khudaya Dikha De Bahaar E Madina


Mustafa E Zaat E Yakta Aap Hain (Complete)

Mustafa E Zaat E Yakta Aap Hain
Yak Ne Jisko Yak Banaya Aap Hain

Aabo Gil Mein Noor Ki Pehli Kiran
Jaane Aadam Jaane Hawwa Aap Hain

La Makaan Tak Jis Ki Phaili Raushni
Wo Charaage Aalam Aara Aap Hain

Hai Namak Jis Ka Khameer E Husn Mein
Wo Maleehe Husn Aara Aap Hain


Naazish E Arsho Waqaar E Arshiyaan
Saahibe Qausain O Adna Aap Hain


Aap Ki Tal’at Khuda Ka Aaina
Jis Mein Chamke Haq Ka Jalwa Aap Hain


Aap Jaisa Koyi Ho Sakta Nahi
Apni Har Khoobi Mein Tanha Aap Hain

Aapko Rab Ne Kiya Apna Habeeb
Saari Khalqat Ka Khulasa Aap Hain

Aapki Tal’at Ko Dekha Jaan Di
Qabr Mein Pohcha To Dekha Aap Hain


Aapki Khatir Banaye Do Jahaan
Apni Khatir Jo Banaya Aap Hain

Jaan Tui Jaanam Qaraare Jaan Tui
Jaane Jaan Jaane Maseeha Aap Hain

Aapse Khud Aap Ka Saail Hun Main
Jaane Jaan Meri Tamanna Aap Hain


Bar Darad Aamad Gada Behre Salaam

Ho Bhala Akhtar Ka Daata Aap Hain

Sallallahu Alaihe Wasallam


Abr e Karam Gesoo e Muhammad

Abr e Karam Gesoo E Muhammad
Donu Haram Abroo E Muhammad

Sab ki Nazar hay Soo E Ka’bah
Ka’bah takay hay Roo E Muhammad

Ka’bay ko kis ne banaya Qiblah
Ka’bay ka Ka’bah Roo E Muhammad

Sajda E Sar hay Soo E Ka’bah
Sajda-e-Dil hay Soo E Muhammad

Saaray Chaman mein kis ki Khushboo
Khushboo hay Khushboo E Muhammad

Kis ki Chamak hay Paykar E Gul mein
Gul mein Khila hay Roo E Muhammad

Dhaaray chalay har Ungli se Unki
Dekho wo Nikli Joo E Muhammad

Sab se Anokha Moo E Muhammad
Sab se Niraali Koo E Muhammad

Kis ka Moo deta hay Gawahi
Moo E Muhammad Moo E Muhammad

Zinda hay Wallah Zinda hay Wallah
Jaan E Do Aalam Roo E Muhammad 

Rashk E Tayba kia hay dikhaun?
Dekho Qad E Dil Joo E Muhammad

Bheeni Bheeni Khushboo Lahki
Khul gaey jab Gesoo E Muhammad

ye raah Mahki woh raah mahki
Khul gaey jab Gesoo E Muhammad

Akhtar E Khasta Chal de Jinaan ko
Baag E Jinaan hay Koo E Muhammad

Farishtay Jis Kay Zaa’ir Hain Madinay Main Woh Turbat Hay

Farishtay Jis Kay Zaa’ir Hain Madinay Main Woh Turbat Hay
Yeh Woh Turbat Hay Ji Ko `Arsh e A`zam Pur Fazeelat Hay!


The destination of the angels is the shrine in Medina,
Ranking higher than the Great Throne, is this shrine in Medina!



Bhala dasht e Madinah say chaman ko koi nisbat hai;
Madinay ki fazaa rashk e bahaar e baagh e jannat hai.

Can the gardens even compare with the plains of Medina?
The bloom of Paradise envies the air of Medina!

Madinah gar salamat hay to phir sab kuch salamat hai;
Khuda rakhay Madinay ko, issi ka damm ghaneemat hai..

Guaranteed is the safety of all, upon the safety of Medina,
May Allah preserve the city, sufficient for us is Medina!

Madinah aisa gulshan hai jo har gulshan ki zeenat hai;
bahaar e baagh e jannat bhi Madinay ki ba-dawlat hai..

The beauty of every garden is the garden of Medina,
The blossoms of Paradise too, are due to Medina!

Madinah chor kar sayr e jinaa(n) ki kya zaroorat hai;
yeh jannat say bhi behter hai yeh jeete jee ki jannat hai.

What is the need to roam in Paradise, leaving Medina?
A living Paradise, nay better than Paradise is Medina!

Humee(n) kya Haqq ta’aala ko Madinay say muhabbat hai;
Madinay say muhabbat un say ulfat ki `alaamat hai!

Not just we, even the truthful Lord loves Medina,
A sign of love for the beloved, is the love of Medina!

Ilahi!! Woh Madinay Kaisi Basti Hay Dikhaa-Dayna;
Jahaa(n) Rahmat Barasti Hay Jahaa(n) Rahmat Hi Rahmat Hay..

What does the city look like? O Lord, show us Medina!
Where it rains mercy upon mercy, the city of mercy Medina!



Madinah Chor Kar Jannat Ki Khushboo Mil Nahi(n) Sakti;
Madinay Say Mahabbat Hay To Jannat Ki Zamanat Hay.

Lost is the aroma of Paradise, if you abandon Medina,
Gained is Paradise itself, if you have love for Medina!



Zamee(n) Pur Woh Muhammad Hain, Woh Ahmad Asmaano(n) Main;
Yahaa(n) Bhi Un Ka Charcha Hay – Wahaa(n) Bhi Un Ki MidHat Hay..

He is Mohammad on earth, and Ahmed in the skies,
Praised in both the worlds, is the master of Medina!



Yahaa(n) Bhi Un Ki Chalti Hay, Wahan Bhi Un Ki Chalti Hay;
Madinah Raajdhaani Hay Do `Aaalam Pur Hukoomat Hay!

He reigns in this world, and is obeyed even in the heavens,
He governs both the worlds, the capital is Medina!



Ghazab Hi Kardiya AKHTAR, Madinay Say Chalay Aa’aey;
Yeh Woh Jannat Hay Jis Ki `Arsh Waalo(n) Ko Bhi Hasrat Hay.

You wronged yourself, O Akhtar, why did you leave Medina?
Even the angels long for it- such is the Paradise called Medina!

Madinah Chor Kar Akhtar Bhala Kyu(n) Jaa’ayn Jannat Ko?
Yeh Jannat Kya Har Ik Ni`mat Madinay Ki Ba-Dawlat Hay.

So why should you, O Akhtar, go to Paradise leaving Medina?
For all the bestowals, not just Paradise, are due to Medina!


English Translation By : Aqib alQadri

Munawwar Meri Aankho Ko Mere Shamshudduha Kar De

Munawwar Meri Aankho Ko Mere Shamshudduha Kar De
Ghamo Ko Dhoop Me Wo Saayae Zulfe Dota Kar De


Jahaan Bani Ataa Kar De Bhari Jannat Hiba Kar De
Nabi Mukhtare Qul Hai Jiss Ko Jo Chahe Ataa Kar De

Jahan Me Unki Chalti Hai Wo Dam-me Kya Se Kya Kar De
Jameen Ko Aasmaa Kar De Suraiya Ko Sara Kar De

Fazaa Me Udne Waale Yu Na Itraye Nida Kar De
Wo Jab Chahe Jise Chahe Usme Farma Rawa Kar De

Meri Mushkil Ko Yu Aasaa Mere Muskil Kusha Kar De
Har Aik Mauje Balaa Ko Mere Maula Nakhuda Kar De

Ataa Ho Bekhudi Mujhko Khudi Meri Hawa Kar De
Mujhe Yu Apni Ulfat Me Mere Maula Fanaa Kar De

Jahaan Me Aam Paighame Shahe Ahmad Raza Kar De
Palat Kar Peeche Dekhe Fir Se Tajdeede Wafa Kar De

Nabi Se Jo Ho Begana Use Dil Se Juda Kar De
Pidar Madar Biradar Maalo Jaan Un Par Fida Kar De

Kisi ko Wo Hasaate Hain Kisi Ko Wo Rulaate Hain
Wo Yu Hi Aazmate Hain Wo Ab To Faisla Kar De

Gile Taibah Me Mil Jau Gulome Milke Khiljau
Hayaate Jaavedaani Se Mujhe Yu Aashna Kar De

Mujhe Kya Fikr Ho Akhtar Mere Yaawar Hain Wo Yaawar
Balao Ko Meri Jo Khud Giraftare Balaa Kar De

LISTEN ONLINE

TO DOWNLOAD AUDIO CLICK HERE
Note: To Download any one of the following Hamd-o-Sana, please “Right Click” and then click on “Save Target As…”. You can listen these Files by RealPlayer/VLC Player

All MP3 files are hosted by www.deenehaq.com

Chal Qalam Ab Hamd E Rabb Maqsood Hai

Chal Qalam Ab Hamd E Rabb Maqsood Hai
Tera Mera Sab Ka Jo Ma’bood Hai


Hai Wahi Shahid Wahi Mash-hud Hai
Noor Uska Har Jagah Maujood hai


Usne Hi Humko Bakshe Hay Humko Mustafa
Ye Na Ho To Zindagi Be Sud Hai


Yu To Hai Quraa(n) Hidayat Ki Kitaab
Par Kisi Ka Tazkera Maksood Hai


Wad-duha Wash-shams Jiski Shaan Hai
Haan Wahi Ahmed Wahi Mehmood Hai


Unn Ka Charcha Har Jabaa(n) Par Hai Rawaa(n)
Unki Khushbu Har Jagah Maujood Hai


Azmat E Ahmad Me Jisko Hai Shuba
Haan Wahi Shaitaa(n) Wahi Mardood Hai


Aur Jo Karta Hai Unn Par Jaa(n) Fida
Wo Mubarak Hai Wahi Mas-ud Hai


Noor Ki Barsaat Hoti Hai Waha
Jis Jagah Par Mehfil E Maulood Hai


Padhte Rahiye Nazmi Naat E Mustafa
Haan Isi Me Rooh Ki Beh-bud Hai

Sambhal Jaa Ay Dil E Muztar Madina Aane Wala Hai

Sambhal Jaa Ay Dil E Muztar Madina Aane Wala Hai
Lutaa Ay Chashm E Tar Gowhar Madina Aane Wala Hai

 

Qadam Bann Jaaye Mera Sarr Madina Aane Wala Hai
Bichoon Rah Mein Nazar Bann Kar Madina Aane Wala Hai

 

Jo Dekhein Unka Naqsh E Paa Khuda Se Wo Nazar Maango
Charaagh E Dil Chaloon Lekar Madina Aane Wala Hai

 

Karam Unka Chalaa Yun Dil Se Kehta Raahe Taybah Mein
Dil E Muztar Tasalli Kar Madina Aane Wala Hai

 

Nichawar Hai Madine Ki Yeh Mera Dil Meri Aankhein
Nichawar Hoon Madine Par Madina Aane Wala Hai

 

Ilahi Main Talabgaar E Fanaa Hoon Khaaq E Taybah Main
Ilahi Kar Nisaar E Dar Madina Aane Wala Hai

 

Madine Ko Chala Main Beniyaze Rehbar E Manzil
Raah E Taybah Hai Khud Rehbar Madina Aane Wala Hai

 

Mujhe Kheenche Liye Jaata Hai Shouq E Kooncha E Jaana
Khincha Jaata Hu Mein Yaksar Madina Aane Wala Hai

 

Woh Chamka Ghumbad E Khazra Wo Shehr E Pur Ziyaa Aaya
Dhale Ab Noor Main Pekar Madina Aane Wala Hai

 

Jahaan Se Bekhabar Ho Kar Chalo Khud E Madina Main
Chalo Ab Hosh Ki Peekar Madina Aane Wala Hai

 

Madine Mein Khule Baab E Hayaat E Nau Bataraz E Nau
Badal Daalo Kohan Daftar Madina Aane Wala Hai

 

Zara Ay Markabe Umre Rawaan Chal Barq Ki Soorat
Dikha Parwaaz Ke Jowhar Madina Aane Wala Hai

 

Talabgaar E Madina Tak Madeena Khud Ki Aa Jaaye
Tu Duniya Se Kinaara Kar Madina Aane Wala Hai

 

Madina Aa Gaya Ab Der Kya Hai Sirf Itni Si
Tu Khaali Kar Ye Dil KA Ghar Madina Aane Wala Hai

 

Falak Shaayad Zameen Par Rehgaya Khaaq E Guzar Bann Kar
Bichhe Hai Raah Mein Akhtar Madina Aane Wala Hai

 

GHUBAARE RAAHE ANWAR KIS QADAR PURNOOR HAI AKHTAR
TANI HAI NOOR KI CHAADAR MADEENAH AANE WAALA HAI.

Hum Dare Yaar Pe Dil Apna Jhuka Lete Hai

Hum Dare Yaar Pe Dil Apna Jhuka Lete Hai
Sach Batana Ay Duniya Tera Kya Lete Hai


Pattharo Tum To Ho Patthar Aur Mere Aaqa
Tumse Gar Chahe To Kalmah Bhi Padha Lete Hai


Waqt Ki Qaid Nahi Hai Ye Karam Ki Baatein
Jab Bhi Sarkaar Ki Marzi Ho Bula Lete Hai


Usko Aankho Me Bithate Hai Zamane Wale
Jisko Mehboob e Khuda Apna Bana Lete Hai


Jab Nahi Milti Kahi Se Bhi Suku(n) Ki Daulat
Teri Mehfil Tere Deewane Saja Lete Hai


Jab Se Dekha Hai Niyazi Wo Riyazul Jannah
Humto Ghar Baith Ke Jannat Ki Hawa Lete Hai

Khusravi Achhi Lagi Na Sarwari Achhi Lagi

Khusravi Achhi Lagi Na Sarwari Achhi Lagi
Hum Faqeero Ko Madine Ki Gali Achhi Lagi


Mai Na Jaunga Kahi Bhi Darr Nabi Ka Chor Kar
Mujhko Ko-E Mustafa Ki Chaakri Achhi Lagi


Rakh Diye Sarkaar Ke Qadmo Me Sultaano Ne Sarr
Sarwar E Kouno Makaa Ki Saadgi Achhi Lagi


Naaz Kar Tu Ay Haleema Sarwar E Kounain Par
Gar Lagi Achhi To Teri Jhopdi Achhi Lagi


Jinko Karni Hai Shahenshaho Ki Taarefe Kare
Mujhko Aaqa Bas Tumhari Naat Hi Achhi Lagi


Qabr Roushan Ho Gayi Noor E Nabi Se Is Tarah
Aashiqo Ko Maut Bhi Aur Qabr Bhi Achhi Lagi


Maut Jo Maangi Dayar E Mustafa Ke Saamne
Maut Ko Bhi Aarzu Meri Badi Achhi Lagi


Mahro Mah Ki Roushni Maana Ki Achhi Hai Magar
Sabze Ghumbad Ki Mujhe To Roushni Achhi Lagi


Duur The To Zindagi Be-Rang Thi Be-Kaif Thi
Unke Kooche Me Gaye To Zindagi Achhi Lagi


Aaj Mehfil Me Niyazi Naat Jo Maine Padhi
Aashiqane Mustafa Ko Wo Badi Achhi Lagi

Aaj Ashq Mere Na’at sunaye to ajab kya

Aaj Ashq Mere Na’at sunaye to ajab kya
Sun kar wo mujhe pas bulaye to ajab kya

Un par to gunahgar ka sab hal khula hai
Us par bhi wo Daman main chhupaye to ajab kya

Munh dhanp ke Rakhna ke Gunahgar bahut hu
Mayyat ko Meri Dekhne aye to ajab kya

Didar ke qabil to nahi chasme tamnna
Lekin wo kabhi khawab main aye to ajab kya

Ne zad safar hai na koi kam bhale hai
Phir bhi mujhe Sarkar bulaye to ajab kya

Hasil jinhain Aqa ki ghulami ka saraf hai
Thokar se wo murdo ko jilaye to ajab kya

Wo Husne do ‘Aalam hai Adib unke qadam se
Sehra main agar phool khil aye to ajab kya

Az:-Janab Adibsahab Raipuri
Page 2 of 13
1 2 3 4 13