Tumhare Sajde Ko Kaaba Salaam Kehta Hai

Tumhare Sajde Ko Kaaba Salaam Kehta Hai
Jalaal e quba e khazra salaam kehta hai.

Chaman Ka Harr Gul O Guncha Salaam Kehta Hai
Hussain Tum Ko Zamana Salaam Kehta Hai


Charaag Wa Masjid Wa Mimbar Salaam Kehte Hain
Nabi Rasool Payamber Salaam Kehte Hain

Ali Wa Fatima Shabbar Salaam Kehte Hain
Khuda Gawaah Ho Ke Nana Salaam Kehte Hai


Khuda Ki Raah Me Sarr Ko Kata Diya Tumne
Nabi Ke Deen Pe Ghar Ko Luta Diya Tumne

Nishaan E Kufr Ko Yaksar Mita Diya Tumne
Tumhe Khuda Bhi Tumhara Salaam Kehta Hai


Tumhein Falak Ke Sitaare Salaam Kehte Hain
Tumhein Quraan Ke Paare Salaam Kehte Hain

Tumhein Haram Ke Minaare Salaam Kehte Hain
Imaam Tum Ko Madina Salaam Kehta Hai


Sana Tumhari Wazeefa Hai Mera Aaba-i
Tumhari Mad-h To Shewa Hai Mera Maulai

Bas Ek Nazar Ho Jo Mujh Par To Meri Ban Aayi
Tumhara Sayyid Shaida Salaam Kehta Hai

Ahmed Raza Ka Taaza Gulistaan Hain Aaj Bhi

Ahmed Raza Ka Taaza Gulistaan Hain Aaj Bhi
Khursheed Ilm Unka Darakshan Hain Aaj Bhi

Tum Kya Gaye Ki Rounak E Mehfil Chali Gayi
Sher O Adab Ki Zulf Pareshan Hain Aaj Bhi


Kis Tarha Itne Ilm Ke Dariyan Bahaa Diye
Ulama E Haq Ki Aql To Hairaan Hai Aaj Bhi

Khidmat Quraan E Paak Ki Wo Laa Jawab Ki
Raazi Raza Se Saahib E Quran Hain Aaj Bhi


Sab Unse Jalne Waalon Ke Ghul Ho Gaye Chiraagh
Ahmed Raza Ki Sham’a Firoza Hain Aaj Bhi


Lillah Apne Faiz Se Ab Kaam Lijiye
Fitno Ke Sarr Uthane Ka Imkaan Hai Aaj Bhi

Mirza Sar E Niyazi Jhukata Hain Is Liye
Ilm O Amal Pe Aapka Ehsaan Hain Aaj Bhi

Mere Ghous Piya Jeelani Hain Mahboob E Subhaani

Mere Ghous Piya Jeelani Hain Mahboob E Subhaani

Choot-ti Hain To Choote Duniya, Ghous Ka Daaman Na Chorenge
Apne Gale Mein Ghous Ka Patta, Ghous Ka Daaman Na Chorenge

Ghous Ke Darr Par Umar Guzari, Ghous Ke Darr Ke Hum Hain Bhikari
Iss Khoote Se Khud Ko Baandha, Ghous Ka Daaman Na Chorenge

Waliyo Ne Di Unko Salaami, Abdalo Ne Kee Hai Ghulami
Ooncha Rahega Unka Jhanda, Ghous Ka Daaman Na Chorenge

Ghous Ka Daaman Kaise Chore, Jism O Rooh Ka Naata Unse
Unse Thehra Deen Ka Rishta, Ghous Ka Daaman Na Chorenge

Unke Haath Me Haath Diya Hain, Khud Ko Ujagar Bech Diya Hain
Ab Na Kabhi Chorenge WALLAH, Ghous Ka Daaman Na Chorenge

Ghous E Paak Ke Chahne Walo, Saath Ubaid Ke Mil Ke Keh Do
Marte Damm Tak In-sha-Allah, Ghous Ka Daaman Na Chorenge

Khila Mere Dil Ki Gali Ghous E Aazam

Khila Mere Dil Ki Gali Ghous E Aazam
Mita Qalb Ki Be Kali Ghous E Aazam

Mere Chand Mai Sadqe Aaja Idhar Bhi
Chamak Uthhe Dil Ki Gali Ghous E Aazam

Tere Rab Ne Maalik Kiya Tere Jad Ko
Tere Ghar Se Duniya Pali Ghous E Aazam

Wo Hai Kaun Aisa Nahi Jisne Paaya
Tere Darr Pe Duniya Dhali Ghous E Aazam

Kaha Jisne Ya Ghous Aghisni To Damm Me
Bar-Aayi Musibat Tali Ghous E Aazam

Nahi Koi Bhi Aisa Fariyadi Aaqa
Khabar Jiski Tumne Na Li Ghous E Aazam

Meri Rouzi Mujhko Ataa Kar De Aaqa
Tere Darr Se Duniya Ne Li Ghous E Aazam

Na Maangu Me Tujhse To Fir Kis Se Maangu
Kahi Aur Bhi Hai Chali Ghous E Aazam

Sadaa Gar Yaha Mai Na Du To Kaha Du
Koi Aur Bhi Hai Gali Ghous E Aazam

Jo Qismat Ho Meri Buri Achhi Kar De
Jo A’adat Ho Badd Kar Bhali Ghous E Aazam

Tera Martaba A’ala Kyo Ho Na Maula
Tu Hai Ibn E Maula Ali Ghous E Aazam

Qadam Gardan E Awliya Par Hai Tera
Hai Tu Rabb Ka Aisa Wali Ghous E Aazam

Jo Doobi Thi Kashti Wo Damm Me Nikali
Tujhe Aisi Qudrat Mili Ghous E Aazam

Hamara Bhi Beda Laga Do Kinare
Tumhe Nakhudayi Mili Ghous E Aazam

Tabahi Se Naav Hamari Bachaa Do
Hawa E Mukhalif Chali Ghous E Aazam

Fida Tumpe Ho Jaaye Noori E Muztar
Ye Hai Uski Khwaish Dili Ghous E Aazam

Khwaja E Hind Wo Darbaar Hai Aala Tera

Khwaja E Hind Wo Darbaar Hai Aala Tera
Kabhi Mehroom Nahi Maangne Waala Tera

Khuftgane Shabe Ghaflat Ko Jaga Deta Hai
Saalhasaal Wo Raato Ka Na Sona Tera

Hai Teri Zaat Ajab Bahre Haqeeqat Pyare
Kisi Tairaak Ne Paaya Na Kinara Tera

Gulshan E Hind Se Shadaab Kaleje Thande
Wah Ay Abre Karam Zor Barasna Tera

Kya Mahak Hai Ki Mu’attar Hai Dimaag E Aalam
Takhta E Gulshan E Firdaus Hai Rouza Tera

Tujhme Hai Tarbiyate Khizr Ke Paida Aasaar
Bahro Bar Me Hume Milta Hai Sahara Tera

Zille Haq Ghous Pe Hai Ghous Ka Saaya Tujh Par
Saaya Gustar Sare Khuddam Pe Saaya Tera

Tujhko Baghdad Se Haasil Hui Wo Shaan E Rafe’a
Dang Rah Jaate Hai Sab Dekh Ke Rutba Tera

Kyo Na Baghdad Me Jaari Ho Tera Chashma E Faiz
Bahre Baghdad Hi Ki Nahar Hai Dariya Tera

Jabse Tune Qadme Ghous Liya Hai Sarr Par
Awliyah Sar Pe Qadam Lete Hai Shaha Tera

Muhiyyudi(n) Ghous Hai Aur Khwaja Mueenuddi(n) Hai
Ay Hasan Kyu Na Ho Mehfooz Aqeeda Tera

ZEENATO SAJDA-O BAZME QAZAA MILTA NAHEIN

ZEENATO SAJDA-O BAZME QAZAA MILTA NAHEIN
LALE YAKTA-E-SHAHE AHMED RAZA MILTA NAHEIN 
WO JO APNE DOR KA SADEEQ THA MILTA NAHEIN
MAHRAME RAAZE MUHAMMAD MUSTAFA MILTA NAHEIN 

 AB CHIRAAGHE DIL JALAAKAR HO?SAKE TO DOON?DIYE

PARTAWE GHAUS-O RAZA-O MUSTAFA MILTAA NAHEIN 
AALIME SOZDAROON KIS SE KAHOON KIS SE KAHOON
CHAARA SAAZE DARDE DIL DARDE AASHINAA MILTA NAHEIN 
AALIMO KA MU?TABAR WO PESHAWAA MILTA NAHEIN
JO MUJAS?SAM I?LM THA WO KYA HUWA MILTA NAHEIN 
ZAAHIDO KA WO MUS?SALLAM MUQ?TADAA MILTA NAHEIN
JISPE NAAZAA ZAAHID THA WO PAARSAA MILTA NAHEIN 
FARO AFRAADE ZAMAAN WA? SHAYHK ASH SHAYAKE JAHAAN
KAAMILAANE DEHR KAAWO MUNTAHA MILTA NAHEIN 
ISTIQAAMAT KAAWO KOHA MUH?KAMO BAALA TERE
JISKE JAANE SE ZAMAANA HILGAYAA MILTA NAHEIN 
CHAARIYAARO KI ADAA-E JISME TE JALWANUMA
CHAARIYARO KA WO ROSHAN AAINA MILTA NAHEIN 
EKH SHAAKE GHUL NAHI SARAA CHAMAN? ANDOGHEEN
MUSTAFA KA ANDALEEBE KHUSHNAWA MILTA NAHEIN 
MUFTI-E-AZAM KA ZAR?RA KYA BANAA AKTHAR RAZA
MEHFIL-E ANJUM ME AKHTAR DOOSRAA MILTA NAHEIN 

Tajalli E Noor e Kidam Ghous E Aazam

Tajalli E Noor e Kidam Ghous E Aazam
Ziya E Sirajuz Zulam Ghous E Aazam

Tera Hil Hai Tera Haram Ghous E Aazam
Arab Tera! Tera Ajam Ghous E Aazam

Wo Ik Vaar Ka Bhi Na Hoga Tumhare
Kaha Hai Mukhalif Me Damm Ghous E Aazam

Tere Hote Hum Par Sitam Dhaye Dushman
Sitam Hai Sitam Hai Sitam Ghous E Aazam

Badhe Housle Dushmano Ke Ghata De
Zara Le Le Teghe Do Dam Ghous E Aazam

Nahi Laata Khatir Me Shaho Ko Shaha
Tera Banda E Be-Diram Ghous E Aazam

Karam Chahiye Tera Tere Khuda Ka
Karam Ghouse Aazam Karam Ghous E Aazam

Karo Pani Ghumn ko Bahaa Do A’alam Ko
Ghataye Badhi Ho Karam Ghous E Aazam

Nazar Aaye Mujhko Na Surat Alam Ki
Na Dekhu Kabhi Ru-e Ghum Ghous E Aazam

Kuch Aisa Guma De Muhabbat Me Apni
Ke Khud Keh Uthu Me Manam Ghous E Aazam

Khuda Rakhe Tumko Hamare Saro Par
Hai Bas Ik Tumhara Hi Dam Ghous E Aazam

Dam-e-Naz’a Sirane Aajao Pyare
Tumhe Dekh Kar Nikle Dam Ghous E Aazam

Dam-e-Naz’a Aao Ke Dam Aaye Dam Me
Karo Humpe Yaseen Dum Ghous E Aazam

Ye Dil Ye Jigar Hai Ye Aankhe Ye Sar Hai
Jaha Chaho Rakhdo Qadam Ghous E Aazam

Tumhari Mahak Se Gali Kuche Mahke
Hai Baghdaad Rashke Iram Ghous E Aazam

Na Palla Ho Halka Hamara Na Hum Ho
Na Bigde Hamara Bharam Ghous E Aazam

Tumhare Karam Ka Hai Noori Bhi Pyasa
Mile Yum Se Isko Bhi Nam Ghous E Aazam

Jo Bhi Dushman Hai Mere Raza Ka (with Audio)

Jo Bhi Dushman Hai Mere Raza Ka Jal Raha Tha Jala Hai Jalega
Maslak E Aala Hazrat Ka Naara Lag Raha Hai Hamesha Lagega

Bughzo Keena Ka Chashma Laga Kar najdiyo Ne Likha Jo Chupa Kar
Aam Hazrat Se To Chup Gaya Hai Aala Hazrat Se Kaise Chupega

Baadaza Jiski Duniya Me Shohrat Hai Raza Ka Salaam E Muhabbat
Marhaba Mustafa Jaan E Rehmat Jhoom Kar Unka Aashq Padhega

Wo Raza Ka Gharana Hai Pyare, Ilm Ka Kaarkhana Hai Pyare
Unke Taksaal Me Jo Dhalega Ilm Ka Ik Himala Banega

Mustafa Ki Inayat Se Pyare Ghouse Azam Ki Barkat Se Pyare
Ahle Sunnat Ke Baazar Me Ab Aala Hazrat Ka Sikka Chalega


Ishq E Ahmed Ka Mafhoom Kya Hai, Najdiyo Tumko Ma’alum Kya Hai
Aala Hazrat Le Paykar Me Dekho Ishq E Ahmed Ka Jalwa Milega

Ghous O Khwaja Ki Beshaq Ataa Hai Hind Me Ek Ahmed Raza Hai
Ahle Sunnat Ka Jo Muqtada Hai Wo Bareily Me Tumko Milega

Wo Raza Ke Chaman Ka Sitara, Ahle Sunnat Ke Dil Ka Ujala
Akhtar E Qadri Sabke Dil Par, Raaj Karta Hai Karta Rahega


Haath Malte Rahe Malne Waale Laakh Jalte Rahe Jalne Waale
Ghousa Khwaja Ke Lutfo Karam Se Aala Hazrat Ka Danka Bajega

Naam Le Le Ke Ahmed Raza Ka Apna Ullu Jo Seedha Kare Hai
Paadri Saatri Ye Bata Den Kab Talak Tera Dhanda Chalega

Saade Saade Ye Jangli Kabootar Aajkal Fadfadane Lage Hai
Aala Hazrat Ki Kheechi Ko Lekar Inke Par Ko Kutarna Padega


Taaye Taaye Ki Aawaaz Se Jo Shor Halla Machaye Hue Hai
Maslak E Aala Hazrat Ke Pinjre Me Inhe Band Karna Padega

Doodh Maangoge Hum Kheer Denge Warna Baaghi Ko Hum Cheer Denge
Razviyo Se Na Le Koi Panga Warna Hasmat Ka Danda Padega

TO DOWNLOAD AUDIO CLICK HERE
Note: To Download any one of the following Hamd-o-Sana, please “Right Click” and then click on “Save Target As…”. You can listen these Files by RealPlayer/VLC Player

Rehbar o Taaj e Shariat Hai Aaaj Bhi

Rehbar o Taaj e Shariat Hai Aaaj Bhi, 
MoHsin-e-Kul AhleSunnat Hai Aaaj Bhi. 


Jo Bolte Hai Aap-Ke Khilaf Aaj Bhi, 
Sab Fatwo Se Bhari Hai Fatwa Aaj Bhi. 

Or Se Khilafat Aa-sani Se Milti Hai Aaj Bhi,
ilm Walo ko Ba-Mushkil se-mil-ti hai Khilfat Aaj bhi.

Jo iIm Se Gumrah Karte Hai Sunni Ko Aaj bhi,
Us Pe Farooq E Azam Ki Tarah Barste-hai Aaj bhi

Sunni Markaz Bohat Hai Aaj bhi, 
Har Fitne Se Rouke ” Markazi Darul Ifta Bareilly” Aaj bhi

Aa JaYe Munazra Karne Aaj bhi,
Akhtar K Khlifa Akhtar Kafi Hai Aaj bhi.
 

Charo Taraf Failay Deen Ke Dushman Aaj bhi,
Qadri – Parcham Ley Tanha Lad Raha Akhtar Raza Aaj bhi.

Sarkar Ghous-ul-Azam Ke Nayab Aala Hazrat Hai Aaj bhi,
Aala Hazrat Ke Nayab Hai Mufti Akhtar Raza Aaj bhi,

Jo Azad Khyal Ke Hai Aaj bhi,
Us Ko Tang Lagti Hai Haq Bat Aaj bhai.

Jismani Bimari Me Kamyab Doctor Se ilaj Kar Aaj bhi
Bimar Nafs Ka Kamyab Mufti Se ilaj Kar Aaj bhi..

Jis ke ilm me Bahekte Hai qadam Aaj bhi,
Wo Thaam Le Taaj e Sharia Ka Daman Aaj bhi.

Lakab Too Sabko Mil Jate He Aaj bhi,
Alim-E Ba Amal Ko Mile,Taaj e Sharia Laqb Aaj bhi

Tujh Ko Talash Hai Kamil Pir Ki Aaj bhai,
Gulshan-e-Razavi ki Zeenat Hai Aaj bhi.

Deedar Kar Le Unka Aaj bhi,
Aisa Noorani chehre wala kam Milta Hai Aaj bhi

Jo Padhta Hai ”Jamiat-ur-Raza” May Aaj bhi,
Maslak e alahazrat ke paband Hai Aaj bhi

Taaj e Sharia Se Jise Faiz Hasil Hai Aaj bhi,
Wo Har Fitne Se Bachta Hai Aaj bhi,

Jinko Kadvi Lagti Hai Baat Aaj bhi,
Haq Pe Hai, Haq Sir Chad Ke Bolta Hai Aaj bhi.

Sarhad Ki Hifazat Me Lad Rahe Mujahid Aaj bhi,
Sunni Ki Mufafiz May Lad Raha Mufi Akhtar Raza Aaj bhi.

Khankah Walo Ne Zouqo Tahir Ke ilm Se Aaj bhi,
Kafi Hai Bareliy Ka Sher in Sab Ko Aaj bhi.

Hai Tujhko A’sahar Ki Samaz Aaj bhi,
Padh “Safin-e-Bakshish” Aashiq-e-Maah-e-Risalat Hai Aaj bhi.



Sab Likh Tai Hai Urdu May ‘Asahar Aaj Bhi,
Wo Arbi-Urdu-Farsi-English May Likhte Hai Aaj bhi,

Ulma Padhte Hai Bukhari Aaj bhi,
Arbi May Hashiyat ul Bukhari Tajus Shariah Likhe Ulma Padhe Aaj bhi.

Khaleelullah Sayyiduna Nabi Ibra’him Ishaq Ya’qoob Se,
Aale Nabi Ki Zeenat hain Aaj bhi.

Sayyiduna Qais Malik ‘Abdur-Rashid Sahabi Se Hai,
Sahabi Se Hai Unko Nisbat Hai Aaj bhi.



Makka May Alag Jamat Se Namaz Padhte Hai Aaj bhi,
Najdi Hairaa(n) Hai,Kaise Rouke Es Mard-e-Mujaahid Ko Aaj bhi.

Saudi Hukumat Le Gaye Jail May Najdi Pastaye-Aaj bhi,
Umarah Ke Liye Bulana Pada Najdi Gabhraye Aaj bhi



Hathkadi May Ley Gaye Airport, Nazdi Zalim Hai Aaj bhi.,
Zohar Padh’ne Na Di Kaza Ka Gunah Saudi Hukumat Pe Hai Aaj bhi.

Hukumat Ne Madina Jane Na Diya, Jal Raha Najdi Aaj bhi
Har Saal Aqaa Madina Bula Rahe Dekh Kar Jal Raha Najdi Aaj bhi.



Hai Najdi Hukumat Ko, Un-se Darr Aaj bhi,
Na Rooke Koi Wo Tanha nahi, Duniya May Croro(n) Mureed Hai Aaj bhi

Hai Mureed Ban-ne Wale, Ye Elan Ho Tai Hai Aaj bhi,
Dekh-Le Doad Raha Hai Mureed Ban-ne, Jis Tarf Chal Diye Aaj bhi.

Mufi E Azam K qoul Pe Khade Hai, Tanha Aaj bhi,
Bin Photo Gaye thai Hajj Ko, Mureed Jan-te Nahi Hai ? Aaj bhi.

Pani Ko Jis Tarh Rook Rakha Hai Dams Ne Aaj bhi,
TV Or Photo Ki Bimari Se-Rook Rakha Hai Aaj bhi,

Koun -Todega Dams Ko Kis May Hai Damm Aaj bhi,
Azharimiya Ke Sang, Syed Noori Miya Hai Aaj bhi.

Apne Peer Koo Sab Bada Kahe Aaj bhi,
Misr Ke Ulama Akhtar Raza Ko Wali Kahe Aaj bhi.

Talab May Rehkar Na bat Kar Taaj e Sharia Ki Aaj bhi
Way ilm Ka Samndar Hai Mufi-e Hind Hai Aaj bhai

Jawan University Padh Tai Hai Aaj bhi…,
Sab Se Avval Rahe,Aisa Padha Nahi, Azhar University Me Aaj bhi.

Saccho Ke Sath Hona Hai Aaj bhi,
Aap Sirat-e-Mustakim Pe Hai Aaj bhi.

Kyu ikhtelaf May Pade, Aaj bhi,
Ikhtelaf Ko Rouke, Taaj e Sharia Aaj bhi.

ilaqa Raza Ka Dekh Kar Allama Baat Kare Raza Ki Aaj bhi.,
Wo Dekho Arb May Bat Kare Raza ki Akhtar Raza Aaj bhi.

Aala Hazrat Ke Khandan Se Bohat Hai Aaj bhi..,
Ala Hazra Se Par Dada Or Nana Ki Nisbat Hai Salamt Rahe Aap Aaj bhi

Sacha Waris Hai Aala Hazrat Ka Aaj bhai,
Fitna Failane Walo Ki Khair Nahi Unse RAZA Likhwa Rahe Aaj bhi.

Burjugi Or Bimari May Safer Karte Hai Aaj bhi,
Lakho Ki Tadat May Garjte Sher Ki Tarah Nilklte Aaj bhi..



Sunni Na Darr Tu Jang E Wahabi najdi Se Aaj bhi
Dekho“Maslak-e-Alahazrat” ka parcham Liye Sabe Awval Khada Akhtar Raza Aaj bhi

Wahabi Ka Sab Sunni Ulma Radd Kare Aaj bhi..,
Arab May, Arbi May Wahabi Ka Rdd Kare May Unko Manoo Aaj bhi.

Azhari Ban Gaya Wo Noori, Razvi Ho gaya Aaj bhi,
Noori Razvi Bhi Pukare Taaj e Sharia Zindabad Aaj bhi


Zuhd-o-Taqwa, ilm-o-Hikmat, Ajzi-o-Sadgi Aaj bhi,
Aap sa Murshid Zamane May Nazar Ata Nahi Aaj bhi..

Muttaqi Bankar Dikhaye Iss Zamane Mein Koi Aaj bhi.,
Sabistane Raza Maein Khair Se Akhter Raza Tum Ho Aaj bhi.

Padh ‘Hayate Akhtar” Ay Munkir Aaj bhi,
Ye Yaki Hai Tu-bhi Kahega Tajush sharia Zindabad Aaj bhi,

Mujhe Murshid Se Nisbhat Hai Barkatee Aaj bhi,
In sha ALLAH Ye Mohabbat Shafawt Kara-y-gee Aaj bhi.

Naam K Sath Likhta hu Azhari Aaj bhi,
Momin Kareeb Or Minafiq Bhaagte Hai Aaj bhi.
 

Hamaray Maula Hamaray Aaqa Imam-e-Azam Abu Hanifa

Hamaray Aaqa hamaray Moula Imam e Azam Abu Hanifa
Hamaray Muljaa hamaray Maa’wa Imam e Azam Abu Hanifa
Tum hi ko Maana, Tum hi ko Jana, Tumhi tou Sub k Imam Thehray
Mila na koi Imam Tum sa Imam e Azam Abu Hanifa
Zamanay bhar ne Zamanay bhar mein bohat tajassus kia hay lekin
Mila na koi Imam Tum sa Imam e Azam Abu Hanifa
Tumharay Aagay Tamam Aalam na kiun karay Zaano e Adab Kham
Kay Peshwayaan-e-Deen-e-Baala Imam e Azam Abu Hanifa
Na Kiun karain Naaz AhleSunnat kay Tum se Chamka Naseeb-e-Ummat
Siraj e Ummat Mila ho Tumsa Imam e Aazam Abu Hanifa
Hua Uloo al-Amr se ye Sabit kay teri Taa’at zaroor wajib
Khuda ne tum ko kia hamra Imam e Azam Abu Hanifa
Siraaj Tu hay baghair teray jo koi samajhe Hadees o Quraan
Phiray batakhta na paaey rasta Imam e Azam Abu Hanifa
Jo Teri Taqleed shirk hoti, Muhaddiseen Saaray hotay Mushrik
Bukhaari-o-Muslim Ibn Majah Imam e Azam Abu Hanifa
Ye jitnay Fuqaha Muhaddiseen hain, Tmharay Khirman se Khosha Cheen hain
wo Wastay se ye Bay Waseela Imam e Azam Abu Hanifa
Khabar le Ae Dastageer e Ummat Hay Saaiq e Be khabar pe Shiddat
Wo Tera ho kar phiray bathakta? Imame Azam Abu Hanifa
Page 2 of 3
1 2 3