Teri Wehshaton se Ae Dil Mujhe kiun Na Aar Aaye

Teri Wehshaton se Ae Dil Mujhe kiun Na Aar Aaye
Tu Unhi se Door Bhage Jinhein Tujh Pe Pyaar Aaye

Dam-e-Iztirab Mujhko Jo Khayal-e-Yaar Aaye
Mere Dil main Chain Aaye,To Isse Qarar Aaye


Na Habeeb se Muhib ka kahin aisa Pyaar Dekha
Woh Bane Khuda ka Pyaara, Tumhen Jiss Pe Pyaar Aaye

Mujhe Kiya Ho Gham Alam ka,Mujhe Kiya Ho Gham Alam ka
Ke Ila’aj Gham Alam ka,Mere Gham Gusa’ar Aaye


Jo Chaman Banaye Ban Ko, Jo Jina’a Kare Chaman Ko
Mere Baagh Main Ilahi, Kabhi Woh Baha’ar Aaye

Sabab-e-Gufoor-e-Rehmat Meri Bezubaniyan Hain
Na Fuga’an ke Dhang Jaano’n, Na Mujhe Pukaar Aaye


Teri Rehmaton se Kam Hain, Mere Jurm Iss se Za’aid
Na Mujhe Hisaab Aaye,Na Mujhe Shuma’ar Aaye

Tere Sadqe Jaaye Sha’aha Yeh Tera Zaleel Mangta
Woh Waqar le Ke Jaaye Jo Zaleel-o-Khwar Aaye


Woh Kareem Hain yeh Sarwar Ke Likha Howa Hai Dar Par
Ke Jisse Lene Hon Do Ala’am Woh Umeed Waar Aaye

Tere Dar ke Hain Bhikari, Mile Khair Dam ha Dam Ki
Tera Naam Sun ke Da’ata, Hum Umeed Waar Aaye

4 thoughts on “Teri Wehshaton se Ae Dil Mujhe kiun Na Aar Aaye

  • Mujhe Kiya Alam Ho Gham ka,Mujhe Kiya Ho Gham Alam ka
    Ke Ila'aj Gham Alam ka,Mere Gham Gusa'ar Aaye

    Gul-e-Quld Le Ke Zahid, Tujhe Qaar-e-Taiba Dedon
    Mere Phol Mujh Ko Dije, Bade Hoshiyaar Aaye

    Mere Dil ko Darde-e-Ulfat-o-Sukoon De Ilahi
    Meri Be-qaraariyon Ko Na Kabhi Qaraar Aaye

    Tere Sadqe! Tera Sadqa Hai Woh Shandaar Sadqa
    Woh Waqar le Ke Jaaye Jo Zaleel-o-Khwar Aaye

    Hasan Un Ka Naam Le Kar, Tu Pukaar Dekh Gum Me
    Ke Wo Nahi Jo Ghafil, Pas-e-Intezaar Aaye

    {suallallahu alyhi wasallam}

  • Hassan Unka naam lekar, tu pukar dekh ghum mei, ke woh nahi ji ghafil, pas s intezar aye. Sal'Allahu-Alaihi-Wassallam. Written by grea brother of great Ala Hazrat (Radi Allah Ta'ala Unhu) named Hassan Raza Khan (Radi Allah Ta'ala Unhu).

Leave a Reply

Your email address will not be published. Required fields are marked *