Ka’abay Ke Dar Ke Saamney

Ka’abay Le Dar Ke Saamney Maangi Hai Ye Dua Faqat
Haatho(n) Me Hashr Tak Rahe Daaman – E – Mustafa Faqat
 
Apne Karam Se Ay Khuda Ishq E Rasool Kar Ataa
Aakhri Dum Labo(n) Pe Ho Salle A’la Sadaa Faqat
 
Taibah Ki Sayr Ko Chale Qadmo Mein Unke Jaan De
Daffan Ho Unke Sheher Mein Hai Yahi Iltejaa Faqat
 
Duniya Ki Saari Nea’matein Meri Nazar Mein Hainch Ho
Rakhney Ko Sar Pay Gar Milay Na’lein E Mustafa Faqat
 
Munkar Nakeer Qabar Mein Humse Sawaal Jab Karein
Aisey Me Wird Hum Rakhein Aap Kay Naam Ka Faqat
 
Naza’a Kay Waqt Jab Meri Saanso(n) Mein Inteshaar Ho
Meri Nazar Ke Saamne Ghumbad Ho Wo Hara Faqat
 
Faqat Naat E Rasool  E Paak Hain Nazmi Ka Maqsad E Hayaat
Qabr Mein Bhi Labo(n) Pe Ho Sarkaar Ki Sana Faqat

 

Leave a Reply

Your email address will not be published. Required fields are marked *