Jannat Me Le Ke Jayegi

Kyun Kar Na Mere Dil Mein Ho Ulfat Rasool Ki
Jannat Mein Le Kar Jayegi Chahat Rasool Ki

Chalta Hu Main Bhi Qaafile Walon Ruko Zara
Milne Do Buss Mujhe Bhi Ijazat Rasool Ki

Poochay Jo Deen-O-Iman Nakeerayn Qabr Mein
Uss Waqt Mere Lab Pe Ho Mid-hat Rasool Ki

Tarpa Ke Unke Qadmon Mein Mujhko Girade Showq
Jiss Waqt Ho Lahad Mein Ziyarat Rasool Ki

Sarkar Ne Bula Ke Madina Dekha Diya
Hogi Mujhe Naseeb Shafa’at Rasool Ki

Ya Rabb Dikha De Aaj Ki Shab Jalwa E Habeeb
Ik Baar To Ata Ho Ziyarat Rasool Ki

Daaman Me Unke Le Lo Panah Aaj Najdiyo
Mahengi Padegi Warna Adavat Rasool Ki

Tu Hai Ghulam Unka Ubaid E Raza Tere
Mehshar Mein Hogi Saath Himayat Rasool Ki

2 thoughts on “Jannat Me Le Ke Jayegi

Leave a Reply

Your email address will not be published. Required fields are marked *